قال( ابوسك ؟!)قلت(تعقل...وآلا احوسك...؟!)

يُمه ... هَيّن ...!




الهوى بعيون بنتك صار بيّن ...


ما يبي له من يعَلم ...!!


وصاحبي بالعشق


أُستاذ ومُعَلِم


كيف اخبي ...؟!


وانا بنوته


وقلبي وردي ... وصغَـيّر ... ولَيّن


ايه احبه ...!!


يعني هذا اللي تبينه ...؟!


كيف اخبي وهذا دربي ...؟!


والهوى مكتوب من ربك وربي


شفته


متكشخ ... ومتعطر ... ومتزين


طاح كاسي


فدوته راسي ... وناسي


مو بكيفي ...!!


يُمه جنني بـ حنانه


ما يخون الهوى عنده امانه


وريحة انفاسه دخون


مو طبيعي هالولد من جد يُمه


فيه ذوق ... وفيه شوق ... وفيه للعشاق عوق


يُمه يسلم لك حبيبك


والله نَسَاني حليبك


يُمهـ لو تدرين عنهـ ...


قلتي لي فالكـ حبيبكـ


ايهـ احبهـ


ايهـ يمهـ


ايهـ اموت برعشة شفاههـ واذا يسمح الَّـمّهـ


سامحيني لو حلفت إني لَـ " لِـمّهـ "


مو بكيفي


وضحكتهـ خمري ... وكيفي


مو طبيعي


هالولد عمري وربيعي


وفوق هذا صار شاعر


كله يتغزل بخصري ... وريحة انفاسي وعطري ...


والعَرق لاسال قطرة فوق قطرة وطاح من جيدي إلى مركوز صدري


قال احبه هذا مِسكك مو عرق يانور عيني


قلت ادري


قال ياحلوه غرورك ...


وشمس وجهك تكسر عيوني بنورك


قلت كافي


واللهـ فعلاً مو طبيعي


إن عشق كلهـ جنون


وإن حكى كلهـ فنون ...


على راسي ما يهون


إيه يُمه


إيه احبه


واعصر ضلوعه واضمه


وانتشي من ريحة انفاسه ... " واذا يسمح اشمه


خلى لعيوني كثير من البنات ... على شاني


خلى نورهـ وخلى لمياء وخلى خولهـ


ايهـ يُمه


وخلى اسماء بنت خالهـ ...


وخلى سارهـ بنت عمهـ


اللي ابوها اخو ابوهـ ... ودمها هو نفس دمهـ


باعهم لعيون بنتكـ ... واشتراني ...


شفتي يُمهـ ...؟!وآنا اراهـ إنهـ غرامي ... وهو بعد مثلي


إلا احبهـ


إلا احبهـ


إلا احبهـ


واللي ما يسمعني يسمع ... إلا احبهـ


واعشق ترابهـ اذا داسهـ برجلهـ


قال لي مَرة اناظر ...


قلت حاضر


يا اللهـ ناظر


يوم ناظرني بكيت


ما تحملت الهوى بعيونه السوداء


وشكيت


قال :ابوسك ...؟!


قلت :تعقل ... وإلا احوسك ...؟!


قال :انا اقصد على السنة


قلت: ليت


قال :والله لآخذك قدام اخوك ...


بعد ما تربط يديني في يدينك بأمر ابوك


قلت : تبطي ...؟!


قال : لا لا


قلت : لو ابطيت جيتك


قال يسلم لي وفاكـ ...


قلبي قلبكـ ... وبيتي بيتكـ ...


لعن ابو من خان عشقكـ


وما حفظ عهدهـ معاكـ ... وما رعاكـ ...


وما تذرى ظلال خصركـ وقت صيف


وما دفن نفسهـ بحضنكـ وخذ دفاكـ


وإن خطبني لا تردونهـ يا يُمهـ ...


آنا ابيهـ


قولي ( تم )


لا تخلين العُمر يمشي المهم يا يُمهـ ...؟!


قولي ( تم )


!!!!!!!!!!!!!!!!!!!!!!!!!!!!!!!!!

لا لا بري
لوووووووووول
شرفني تواجدك في موضوعي سولجا
بيسـ

يثلموووووووووووووووو موني ياخطيرة روووووووووعة بيس

يسلمووو موني على موضوعك الجميل

مشكورين ع المرور شباب